"Paytaxtdakı dilənçilərin qarşısını tamamilə almaq olmur, amma onlara güclü nəzarət var".
Bunu "Sherg.az”a keçmiş polis rəisi Mahmud Hacıyev bildirib.
Onun qənaətincə, dilənən və diləndirilən insanlara bir konteksdən yanaşmaq olmaz:
"Onlar da öz "iş rejimləri" və ya "iş qrafikləri"ni hazırlayırlar. Ümuniyyətlə, bayram qabağı, oyunlar, kütləvi tədbirlər keçrilən zaman dilənçilər də gücləndirilmiş iş rejiminə keçirlər. Yəni onlara gün ərzində iş qrafiki təyin edilir. Bəzi dilənçilər tüfeyli həyat sürürlər. Dilənməklə də həyatlarını başa vururlar. İnzibati xətalar məcəlləsində bununla əlaqədar xüsusi maddə müəyyən olunub. Dilənənlərə qarşı müəyyən tədbirlər planı həyata keçirilir.
Bunlar dilənməyi özlərinə bir peşə, sənət kimi seçiblər. Dilənənlər içərisində yaşlısı da var, cavanı da, uşağı da... Hətta onların sağlamı da, əlili də, xəstəsi də olur. Dilənənlər içərisinə bəziləri təqaüd alırlar. Amma bunu özlərinə "peşə" kimi seçiblər. Dilənmək onlar üçün asan qazanc mənbəyidir. Dövlət bunlara qarşı tədbir görür.
Lakin qarşısını tam almaq olmur. Çünki bu artıq onların idiealogiyasıdır. İnsanın idiealogiyasının qarşısını almaq olmur. Artıq bu, onlar üçün bir "peşə"yə çevrilib və "peşə"lərindən istifadə edirlər. Bunun üçün il ərzində bir neçə dəfə cərimə tətbiq edilsə, onlara inzibati xətalar məcəlləsinin xüsusi maddəsi tövsif edilsə, bu halın qarşısını nisbətən almaq olar. Bəzən bunlar da edilir, lakin yenə də bu işlə məşğul olurlar. Artıq bu, bəzilərinin həyat tərzinə çevrilib. İnsan mürəkkəb xarakterli məxluqdur. Onları bir neçə dəfə cərimələməklə onun xarakterini, ideasını dəyişmək olmur. Bu da belə davam edir. Onların özlərini xüsusi yerləri var. Hər gün "iş"ləri ilə məşğul olurlar".
M.Hacıyev onu da əlavə edib ki, dilənənlər öz başına hərəkət etmirlər, bunlara başcılıq edən adamlar var:
"Özlərinin yazılmamış qanunları var. Dilənməklə qazandıqları pulu tək xərcləyə bilməzlər. Gün ərzində diləndikləri pul "rəhbər"ləri ilə onların arasında bölünür. Hətta müəyyən "rəhbər"ləri onları qoruyur. Dilənənlərə rəhbərlik edənlərin də öz rəhbərləri var. Burada üç-beş adam iştirak etmir, bununla bir çox adam məşğul olur”.
Kənan Eynuroğlu
