Son bir həftə ərzində 4 nəfər ilan sancma ilə bağlı bizə müraciət edib.
Bunu lent.az-a açıqlamasında Klinik Tibbi Mərkəzin toksikologiya şöbəsinin müdiri Azər Maqsudov deyib. Azər Maqsudovun sözlərinə görə, ilan sancma ilə bağlı ölüm faktı qeydə alınmayıb:
"İlan sancan şəxslərin vəziyyətləri stabildir. İlan sancanlardan 2 nəfəri artıq evə yazmışıq. Digər 2 nəfərin müalicəsi isə davam etdirilir. Hələ 2-3 gün burada qalacaqlar. İlan sancma ilə bağlı müraciət edənlərdən biri Qəbələdən, digərləri isə Bakıətrafı bölgələrdəndir. Qəbələdən gətirilən şəxs xanım, digərləri isə kişidir”.
