Suriyanın şimal-qərbindəki İdlib şəhərinin mülkü əhalisi daha bir bayramı Bəşər Əsəd rejimi, İranın dəstəklədiyi terrorçu qruplar və Rusiyanın bombardımanı altında qarşıladı.
Sherg.az Türkiyə mətbuatına istinadən bildirir ki, vətəndaş müharibəsinin davam etdiyi Suriyade yüz minlərlə mülkü insan qaçaraq Türkiyənin Hatay rayonu ilə sərhəddə, zorla yurdlarından didərgin salınan qaçqınların yaşadığı çadır şəhərciyində Ramazan bayramını qeyd edirlər.
Çadırdan düzəldilən məscidlərdə qılınan bayram namazından sonra oxunan xütbələrdə qardaşlıq və ibadətin önəmindən danışılarkən, sabitlik və müharibənin bitməsi üçün dualar edilib.
Son həftələrdə Əsəd rejiminin əsgərlərinin Hama rayonunun Kəfrənbudə qəsəbəsinə hücumlarından qaçaraq Atme bölgəsindəki qaçqın şəhərciklərinə sığınan Hüseyin Dbeyis, kəndlərindən bir anda qaçdıqlarını, qohumlarından xəbər ala bilmədikləri üçün bayramlaşa bilməyəcəklərini söyləyib.
Dbeyis "bayram namazını qıldıq. Əlimizdə qalan pularla uşaqlara nələrsə aldıq. Bəzi qohumlarla bayramlaşdıq. Digərlərinin harda olduqlarını bilmirəm” – deyə bildirib.
Allahdan geri qayıdacaqlarına ümid etdiklərini dilə gətirən Dbeyis bunları söyləyib: "Ən çox dostlarımla, qardaşlarımla, qonşularla kəndimizdə vətənimizdə birlikdə bayram keçirməyi arzulayıram. Biz sadəcə Allahdan yardım istəyirik”.
Humusun şimal ərazisindən qaçaraq Atme şəhərciklərində yerləşən Əbu Xalid Humsi isə qaçqın düşərgəsində 9-cu Ramazan bayramını qeyd etdiyini dilə gətirib:
"Humusdan 9 il əvvəl qaçıb gəldik. Biz 9 ildir ki könülsüz bayram qeyd edirik. Zeytun ağaclarının altında, evsiz-eşiksiz vəziyyətdə bayram qeyd edirik. İdlib bombalanır, Hama bombalanır. Hər kəs yerindən-yurdundan didərgin salınıb. İnsanlar evsiz, vətənindən uzaqda necə bayram keçirə bilər?!”.
Suriyalıların ümidi gələn Ramazan bayramını öz kəndlərində, evlərində qeyd etməkdir. Bunun üçün sadəcə Allaha dua edərək, Allahdan yardım istəyirlər.
Anar
