"Enerji təminatında problem yarandıqda yerli provayderlər - "Delta Telekom LTD”, "Azərtelekom” normal fəaliyyət göstərdilər”.
Bunu "Sherg.az”a "Multimedia" İnformasiya Sistemləri Texnologiyaları Mərkəzinin direktoru, Azərbaycan İnternet Forumunun prezidenti Osman Gündüz söyləyib.
Onun sözlərinə görə, bir neçə il bundan əvvəl baş verən hadisə provayderlər üçün dərs olub:
"Həmin provayderlər bu dərsdən nəticə çıxarıblar, ona görə, elektrik enerjisinin verilməsində problem baş verdikdə provayderlərin avtonom sistemləri olub. Amma mobil operatorların işi qənaətbəxş deyildi. Mobil əlaqənin, mobil internetin pozulması halları baş verdi. Operatorların müvəqqəti enerji saxlayan qurğuları zəif oldu.
Elektrik enerjisi dayandıqdan təxmini bir saat sonra mobil internet yoxa çıxdı. Bu baxımdan ikinci səviyyəli provayderlərin işini qənaətbəxş hesab edə bilmərik. Bütövlükdə telekommunikasiya sistemində ciddi problemlər yaşanmadı. Sistem işini davam etdirə bildi”.
Aysel Aslan
