"ATƏT formatlı təşkilatların əsasında konsensus qaydası olduğuna görə, bu qurumlar heç bir ciddi qərar qəbul etmək iqtidarında deyil”.
Bunu "Sherg.az”a bir neçə gün öncə Azərbaycan Prezidenti İlham Əliyev və ATƏT-in baş katibi Tomas Qreminger arasında keçirilən görüşün əhəmiyyətini izah edərkən millət vəkili Rasim Musabəyov söyləyib.
Onun fikrincə, Azərbaycan Prezidenti təşkilatın baş katibinə öz mövqeyini çatdırdı:
"Münaqişənin həlli prosesini öz üzərinə götürən həmsədrlər Ermənistanı yönləndirməlidirlər. ATƏT çox zəif təşkilatdır. Bu qurumda təmsil olunan 45 ölkənin cüzi hissəsi müzakirə olunan qərara etiraz edərsə, heç bir qərar qəbul edilmir.
Minsk qrupunun həmsədri olan üç dövlət BMT Təhlükəsizlik Şurasının daimi üzvləridir. Azərbaycan bu dövlətlərin mövqeyini gücləndirmək üçün mümkün addımları atır. Əslində Minsk qrupu həmsədrləri də müharibə olmasını istəmirlər.
Halbuki, Ermənistanın bu davranışları müharibəyə təhrik deməkdir. Azərbaycan ATƏT-ə müraciəti ilə bütün beynəlxalq təşkilatlara, nəhəng dövlətlərə mövcud vəziyyəti çatdırmış oldu”.
Qeyd edək ki, görüş zamanı Prezident İlham Əliyev baş katibin diqqətinə çatdırdı ki, ATƏT problemin həll edilməsini istəyirsə, daha çox Ermənistanla danışıqlar aparmalıdır.
Aysel Aslan
