Türkiyənin “Pegasus” hava yolu şirkəti 19 iyun 2021-ci ildən etibarən Alanya şəhərindən Bakıya uçuşları açıq elan edir.
Bu barədə “İnterfax” məlumat yayıb.
“Uçuşlar həftədə iki dəfə - çərşənbə axşamı və şənbə günləri həyata keçiriləcək”, - deyə aviaşirkətdən bildirilib.
“Qazi Paşa” hava limanından uçuş yerli vaxtla saat 00:35-də başlayacaq və saat 04:10-da Heydər Əliyev adına hava limanına enişlə yekunlaşacaq.
Əks istiqamətdə təyyarə Bakıdan saat 05:10-da havaya qalxacaq və 07:05-də “Qazi Paşa” hava limanına çatacaq.
