Gürcüstan baş nazirinin müavini, xarici işlər naziri David Zalkaliani Azərbaycan Respublikası və xalqını 28 May – Respublika Günü münasibətilə təbrik edib.
“Report”un yerli bürosu xəbər verir ki, nazirin təbrik sözlərinin yer aldığı video Gürcüstanın Azərbaycandakı səfirliyinin feysbuk səhifəsində yerləşdirilib.
Nazirin sözlərinə görə, 1918-ci il mayın 28-i Azərbaycan xalqı rifah və inkişaf yolunu seçdi: “1918-ci ildə birinci Azərbaycan Cümhuriyyətinin qurulduğunun elan olunduğu Tbilisidən Azərbaycanı müstəqilliyi münasibətilə təbrik etməyimiz rəmzi bir hadisədir”.
