"Azərbaycanın neft ixracından gələn gəlirlərinin artmas bir sıra sahələrin inkişafına şərait yaradacaq”
Bu sözləri "Sherg.az”a iqtisadçı- ekspert Fuad İbrahimov söyləyib.
Onun qənaətincə, həm ixracın, həm də ixracdan gələn gəlirin yüksəlməsi sevindirici haldır:
"Azərbaycan iqtisadiyyatı neftdən aslı olan bir ölkədir. Neftin həcmi, ixracı, gəlirləri, qiyməti artdıqca ölkəmiz daha da inkişaf edəcək. Bildiyimiz kimi 2015-2016-cı illər iqtisadiyyatımızın qaranlıq dövrü oldu. Ondan sonra bir sıra uğursuz addımların atılması, planların qurulması iqtisadiyyatmızda müəyyən büdrəmələr yaşatdı. Lakin son vaxtlar ölkədə görülən işlər və neftin qiymətinin yüksəlməsi keçmişin izlərini itirməyə başlayıb. Hazırda neftin qiyməti nəzərdə tutulduğundan artıqdır. Bu nöqteyi nəzərdən ixrac zamanı ölkəyə əlavə vəsait daxil olur. Həmin vəsaitlə də bir sıra yeni layihələr, ödəmələr həyata keçiriləcək. Həmçinin neft ixracından gələn gəlirlərin artması və xam neft ixracının da iki dəfəyə yaxın çoxalması digər sahələrin də inkişafında əhəmiyyətli rol oynayacaq”
Qeyd edək ki, Azərbaycanda xam neft ixracından gələn gəlirini 2 dəfədən çox artırıb. Bu ilin yanvar-avqust aylarında Azərbaycan 19,935 mln. ton xam neft və bitumlu minerallardan alınan xam neft məhsulları ixrac edib. Dövlət Gömrük Komitəsinə xəbər verir ki, bu, ötən ilin eyni dövrü ilə müqayisədə 50,2% çoxdur. Səkkiz ay ərzində ixracın ümumi dəyəri 10 493,534 mln. ABŞ dolları təşkil edib ki, bu da illik müqayisədə 2,1 dəfə çoxdur. Onu da xatırladaq ki, Azərbaycan neft məhsullarının ixracını 74 faiz artırıb.
Kənan Eynuroğlu
