İŞİD terror təşkilatının tərkibində vuruşmaqda təqsirli bilinən Zöhrab Vəzirovun cinayət işi üzrə məhkəmə iclası davam etdirilib.
Lent.az-ın məlumatına görə, Bakı Ağır Cinayətlər Məhkəməsində hakim Səbuhi Hüseynovun sədrliyi ilə keçirilən prosesdə dövlət ittihamçısı çıxış edib.
Prokuror çıxışında Z.Vəzirovun 14 il müddətinə azadlıqdan məhrum edilməsini istəyib.
Daha sonra məhkəmədə hökm elan edilib. Məhkəmənin hökmü ilə Z.Vəzirov 14 il müddətinə azadlıqdan məhrum edilib.
Qeyd edək ki, Z.Vəzirov Azərbaycan Respublikasının qanunvericiliyi ilə nəzərdə tutulmayan silahlı birləşmələrinin tərkibində Azərbaycan Respublikasının hüdudlarından kənarda aparılan silahlı münaqişələrdə iştirak etməkdə təqsirli bilinib.
