Ermənistanın Apellyasiya Məhkəməsi aşağı instansiya məhkəməsinin Ermənistanın sabiq prezidenti Rober Koçaryanla bağlı çıxarılmış həbs qərarını dəyişməyib.
"RİA Novosti”nin məlumatına görə, bunu ermənistanlı prokuror Petros Petrosyan jurnalistlərə verdiyi açıqlamada bildirib.
Bundan əvvəl birinci instansiya məhkəməsi Koçaryanın həbs müddətini iki dəfə (18 yanvar və 15 mart tarixlərində) iki ay müddətinə uzadıb.
Xatırladaq ki, 26 iyul 2018-ci ildə Ermənistanın Xüsusi İstintaq Xidməti 1 mart (2008-ci il) hadisələri zamanı aksiya iştirakçılarının dağıdılması ilə bağlı iş üzrə Koçaryanı rəsmi qaydada konstitusiya quruluşunu pozmaqda ittiham edib.
