"Mənzil bazarında ciddi qiymət dəyişməsi hələ ki, müşahidə olunmur”.
Bunu "Sherg.az”a mənzil bazarındakı vəziyyətlə bağlı danışarkən əmlak məsələləri üzrə ekspert Ramil Osmanlı deyib.
O bildirib ki, mənzil bazarındakı ümumi vəziyyəti hələlik stabil qiymətləndirmək olar:
"Amma qarşıdakı aylarda nə baş verəcək, bunu indidən söyləmək çətindir. Çünki son dövrdən maliyyə bazarındakı vəziyyətlə bağlı müəyyən informasiyalar daxil olur. Bu isə bazara mənfi təsir göstərir, alqı-satqı əməliyyatlarını azaldır.
Əhali arasında müəyyən fikirlər dolaşır ki, qarşıdakı aylarda manatın ucuzlaşması fonunda dolların qiyməti arta bilər. Ona görə, əlində xarici valyuta olan təbəqə əmlak alqı-satqısına maraqlı deyil. Bu baxımdan indiki halda bazarda vəziyyət stabildir. Qiymət artımı və azalması müşahidə olunmur”.
Aysel Aslan
