"Azərbaycan UEFA Avropa Liqasının final oyununa ev sahibliyi etməklə bir daha dünyaya real gücünü, potensialını və beynəlxalq idman yarışlarında qazandığı təcrübənin nəticəsini göstərdi”.
Bunu "Sherg.az”a açıqlamasında "İslahatçı Gənclər” İctimai Birliyinin sədri Fərid Şahbazlı deyib.
Birlik rəhbəri vurğulayıb ki, möhtəşəm yarış zamanı Bakıda yaradılan yüksək ictimai təhlükəsizlik mühiti, eyni zamanda vətəndaşlarımızın turistlərə ehtiramla yanaşması dünyanın çox az ölkəsində rast gəlinən bir nümunədir:
"Biz Azərbaycanda ictimai təhlükəsizlikdən danışarkən sadəcə hüquq-mühafizə orqanlarının rolunu deyil, həm də xalqımızın əsrlərdən bəri formalaşmış qonaqpərvərlik dəyərlərindən danışırıq. Bakıdakı yüksək infrastruktur, dünyanın ən təmiz və gözəl şəhərləri arasında yer alması, nəqliyyat sisteminin yüksək səviyyədə qurulması və s. məqamlar paytaxtımızı dünyanın ən nüfuzlu şəhərləri sırasına daxil edib”.
F.Şahbazlı təəssüflə xatırladıb ki, oyundan öncə Azərbaycana qarşı erməni lobbisi və onun təsir dairəsində olan qüvvələr tərəfindən qarayaxma kampaniyası aparılırdı:
"Məqsəd Azərbaycanımızı gözdən salmaq, sanki bu cür beynəlxalq yarışlara ev sahibliyi edə bilməyəcəyimizi göstərmək idi. Amma Azərbaycan ermənilərin növbəti uğursuz cəhdinə imkan vermədi. Bakıya minlərlə turist gəldi. Paralel olaraq Madriddə baş verənlər də göz önündədir. İspaniya dünyanın inkişaf etmiş ölkələrindəndir.
Şəhərdəki infrastrukturun pis vəziyyətdə olması, zibillik, polislərin zorakılığı dünya mediasının müzakirə mövzusudur.
Bunu biz yox, xarici vətəndaşların, İspaniya KİV-lərinin özləri etiraf edirlər. Bu hadisə bir daha sübut edir ki, Azərbaycana qarşı olan iddiaların hamısı qərəzli şəkildə hazırlanıb və heç biri həqiqətə uyğun deyil. Bakı artıq Avropanın və dünyanın bir çox nüfuzlu şəhərləri ilə rəqabətə girəcək qədər güclü infrastruktura malik, ictimai təhlükəsizliyi yüksək səviyyədə qorunan şəhərdir”.
İsmayıl
