"Daha çox problemli marşrut xətlərindən başlayaraq ictimai nəqliyyat "BakuBus"la təmin ediləcək”
Bu barədə "Sherg.az”a paytaxtın marşrut xətlərinin tamamilə "BakuBus"la təmin olunması barədə danışarkən Bakı Nəqliyyat Agentliyinin (BNA) İctimaiyyətlə əlaqələr şöbəsinin sektor müdiri Mais Ağayev bildirib.
Onun sözlərinə görə, paytaxtda ictimai nəqliyyatı "BakuBus"larla əvəz etmək üçün müxtəlif tədbirlər həyata keçrilir:
"Bildiyiniz kimi, bu günlərdə iki problemli marşrut xətti birləşdirilərək "BakuBus"un istismarına verildi. Hazırda xətlərə "BakuBus"ların verilməsi müsabiqə yolu ilə həyta keçirilir. Bütün marşrut xətləri xüsusən də, daha çox şikayətlər daxil olanlar BNA-ya müsabiqəyə çıxarılır. Müsabiqədə həm avtobuslar, həm də daşıyıcılarla bağlı konkret qanunvericiliyin tələbinə uyğun şərtlərə, tələblərə uyğun olaraq müəyyən tədbirlər görülür.
Həmin tədbirlərdə əsas məqsəd hər biri sərnişinlərimizin rahatlığına və təhlükəsiz daşınmasını təmin etməkdir. Bu şərtləri ödəyən iddiaçı da qalib elan edilir. Sonra isə müxtəlif addımlar atılmağa başlanılır.
Hazırda marşrut xətlərinin "BakuBus"la təmin olunması mərhələli şəkildə aparılır. Bu şəkildə ictimai nəqliyyat vasitələrini "Baku Bus"la təmin edilməsi yaxın vaxtlarda gözlənilir.
Kənan Eynuroğlu
