"Rusiyanın hər bir sərt cavabı daha ağır sanksiyalarla və beynəlxalq izoliyasiya ilə nəticələnə bilər".
Bu barədə "Sherg.az"-a ABŞ- Rusiya gərginliyinin nəticələrini şərh edərkən millət vəkili Asim Mollazadə bildirib.
Parlament üzvünün sözlərinə görə, bu qarşıdurmada ən çox zərəri Moskva görəcək:
"Bunları götür qoy edərək ölkəni daha dərin böhrana aparmaqdan vaz keçmək gərəkir".
Rusiya - ABŞ gərginliyinin Azərbaycan təsirlərindən söz açan millət vəkili bəyan edib ki, məlum gərginlik Rusiyaya qonşu olan ölkələr üçün müəyyən fəsadlar verə bilər:
"Söhbət ondan gedir ki, təcavüz olan bölgələrdə gərginlik daha da arta bilər. Və biz bunun bəzi elementlərini Gürcüstanda gördük. Osetiya sərhədlərinin genişlənməsi, Bakı - Supsa kəmərinin Rusiya ordusu tərəfindən nəzarətə götürülməsi Rusiyanın imkanları daixlində olan cavablardır. Lakin Risiyanın cavab vermək imkanları çox azdır".
Ayyət Əhməd
