Gürcüstanın eks-prezidenti Mixail Saakaşvili seçkinin nəticələrini tanımaqdan imtina edib.
Axar.az xəbər verir ki, bunu o, xalqa Feysbuk vasitəsilə müraciətində deyib.
O, əhalini dinc vətəndaş itaətsizliyinə çağırıb. Eks-prezident İvanişvilini murdar oliqarx adlandırıb və onun bütün qanunları pozduğunu bildirib. Saakaşvili həmçinin hökumətin oğru dünyasının yardımlarına da baş vurduğunu bildirib.
İvanişvilinin daha Gürcüstanın legitim lideri olmadığını deyən Saakaşvili cəmiyyətin seçkinin nəticəsini tanınmaması gərəkdiyini söyləyib. O, müxalifətin dinc itaətsizlik aksiyalarına başlayacağını deyib.
Saakaşvili polisi də xalqın yanında yer almağa çağırıb. O, həmçinin nə olursa olsun, Gürcüstana geri dönəcəyini deyib.
