"Havanın temperatur yaxın vaxtlarda enəcək”
Bu barədə "Sherg.az”a Ekologiya və Təbii Sərvətlər Nazirliyinin ekoloji təbliğat sektorunun müdiri Umayra Tağıyeva bildirib.
Onun sözlərinə görə, neçə gündür davam edən istilər yaxın günlərdə öz normasına qayıdacaq:
"İyun ayının 5-də günün birinci yarısında havanın temperaturu 39-41 dərəcə təşkil edəcək. Günun ikinci yarısında isə havada dəyişiklik gözlənilir. Abşeron yarımadasında havanın temperaturu tədricən aşağı enəcək. Həmin vaxta gözlənilən aşağı temperatur 34-37 dərəcə olacaq.
Artıq iyul ayının 6-dan 9-a dək ölkə ərzisində hava şəariti dəyişiləcək. Arabir güclənən şimal, şimal-qərb küləyi üstünlük təşkil edəcək. Havanın temperaturu günü-gündən aşağı enərək öz iqlim normasına yaxınlaşacaq. İyul ayının 6-da temperatur 32-37 dərəcə, 8-də isə 30-35 dərəcə təşkil edəcək”.
Kənan Eynuroğlu
