Ötən ay qiyməti qalxan yumurta artıq ucuzlaşıb. Məlum məsələdir ki, hər dəfə bayram ərəfəsində bəzi istehlak mallarının qiymətində yüksəliş müşahidə olunur. O da baxır, bayrama. Novruz bayramına hazırlıq mərhələsində qiyməti dəyişən məhsullar bəllidir. Un, şəkər tozu, yağ və əlbəttə ki, yumurta. Novruz öncəsi yumurtanın qiyməti 12-14 qəpiyədək qalxmışdı. Amma artıq bu məhsulun qiyməti enməyə doğru gedir. Hazırda yumurtanın pərakəndə satış qiyməti 7 qəpikdir. Qiymət hardasa yarıbayarı azalıb. Bu da müəyyən şübhələr yaradır ki, yumurta hansısa ölkədən gətirilir.
Respublika Quşçular Cəmiyyətini sədri Aydın Vəliyev «Sherg.az»a açıqlamasında yumurtanın ucuzlaşmasını təklifin tələbi üstüləməsi ilə izah etdi:
- İstehsal çoxalıb, təklif tələbi üstüləyir deyə, yumurtanın qiymətində enmə baş verib. Ötən aylarda yumurtaya tələbat artmışdı. Ona görə də qiymətlərdə müəyyən yüksəlmə oldu. İndi isə tələbat azalıb, məhsul bol olduğundan qiymət də ucuzlaşır.
A.Vəliyev yumurtanın hansısa başqa ölkədən gətirilməsi xəbərlərinin doğru olmadığını söylədi:
- Quş yemi ölkəyə kənardan gətirilir. Ancaq bu, bir müddət sonra müsbət nəticə verməyə başlayır və yumurta istehsalının da artımına səbəb olur. Ona görə də qiymətlərdə ucuzlaşma müşahidə edilir.
Məlahət
