Sürət və sərnişin qatarlarında gediş haqları artırılacaq."Azərbaycan Dəmir Yolları” QSC-dən verilən məlumata görə, plaskart və kupe vaqonlarda alt və üst yerlərə və SV tipli vaqonlara olan tələbatın tənzimlənməsi məqsədi ilə iyulun 27-dən ölkədaxili sürət və sərnişin qatarlarında gediş haqları orta hesabla 10% artırılacaq.
Məsələyə münasibət bildirən iqtisadçı-ekspert Nazim Bəydəmirli "Sherg.az”a açıqlamasında qeyd edib heç bir işlər görülmədən, qiymət atımı etmək yaxşı hal deyil:
"Sərnişin və sürət qatarlarında gediş haqqının artırılmasının səbəbini əhaliyə açqlamalıdırlar. "Azərbaycan Dəmir Yolları” QSC-dən qiymət artımını əsaslandırmalıdır. Çünki maya dəyərindəmi və ya digər sahələrindəmi artımlar olub ki, onlarda belə bir addım atıblar. Tarif Şurası qiymətləri artırırsa, onun izahını da əhaliyə verməlidir. Çünki bunu yükü əhalinin boynuna düşür. Buna görə də məsələyə aydınlıq gətirməlidirlər. İstənilən halda əhali bunun heç də xoş qarşılamayacaq. Çünki qiymət artımlarının əhalinin büdcəsinə mənfi təsir göstərir. Kefiyyəti artırmadan, xidmətin səviyyəsini yüksəltmədən qiymət artırmaq yaxşı hal deyil. Hesab edirəm ki, bu qiymət artımına heç bir əsas yoxdur”.
Kənan Eynuroğlu
