Qərbdən Ukraynaya ürəksiz vədlər...! - Türk professordan real İZAH
Yusif Nəzərli
07:12 26.02.2022
Siyasət
819
“İllərdir, Ukraynaya güvən verərək, sizi NATO-ya, Aİ-yə aparacağıq dedilər”
“Ukrayna hökuməti də öz vəziyyətlərini rasional qiymətləndirə bilmədi və bu ürəksiz vədlərə inandılar”
“Qərb yenə qalib gəldi. Rusiya qalib gəldi. Ukrayna xalqı məğlub oldu”
Rusiya və Ukrayna arasında müharibə başlandığı gündən əksər Qərb ölkəsi Ukraynaya öz dəstəyini ifadə edir. Bu gün Ukrayna Prezidendi Volodimir Zelenski ilə Böyük Britaniyanın Baş naziri Boris Conson arasında da telefon danışığı olub. V. Zelenski B.Consonu Rusiya ordusunun Ukrayna ərazisinə və paytaxt Kiyevə hücumları barədə məlumatlandırıb.
“Bu gün Ukrayna həmişəkindən daha çox tərəfdaşlarının dəstəyinə ehtiyac duyur. Biz Rusiya Federasiyasına qarşı effektiv tədbirlərin görülməsini tələb edirik. Sanksiyalar daha da gücləndirilməlidir”, - deyə V.Zelenski ilə Böyük Britaniyanın Baş nazirin diqqətinə çatdırıb.
Qərb ölkələrinin hazırkı durumla bağlı mövqeyini “Sherg.az”a dəyərləndirən türkiyəli politoloq, professor Yaşar Onay bildirib ki, bu ölkələr öz keçmiş siyasətlərinə davam edirlər:
“Əgər siz Qərb dedikdə imperialist və müstəmləkəçilik ənənələrinə malik ölkələri nəzərdə tutursunuzsa, ortaya çıxan mənzərə bizim üçün çox da təəccüblü deyil. Keçmişdə etdiklərini edirlər. Bu klassik imperiya siyasətidir. Parçalayın, bölün və idarə edin. Bu səbəbdən də hədəf coğrafiyalardakı dövlətləri darmadağın edib, istismara davam etdirirlər.
İllərdir, Ukraynaya güvən verərək, sizi NATO-ya, Aİ-yə aparacağıq dedilər. Ukrayna hökuməti də öz vəziyyətlərini rasional qiymətləndirə bilmədi və bu ürəksiz vədlərə inandılar. Lakin Ukraynanın maraqları Rusiya ilə yaxşı münasibətlər qurmaqdan asılı idi.
Onlar bunu görə bilmədilər. İndi deyirlər ki, niyə Qərb bizi dəstəkləmir. Bu hadisələr Rusiyanın da maraqlarına uyğun idi, ona görə də Qara dəniz qapısını və mədən baxımından çox zəngin olan Donbass bölgəsini də götürdü”.
Professorun fikrincə, bu hadisələr geniş vüsət almayacaq:
“Silahlı qarşıdurmalar dünya müharibəsinə səbəb olmayacaq. Rusiya iqtisadiyyatı uzun müddət davam edən isti müharibəyə tab gətirə bilməz. Qərb yenə qalib gəldi. Rusiya qalib gəldi. Ukrayna xalqı məğlub oldu. Belə nəticəyə gəlmək lazımdır ki, əgər hansısa dövlət öz milli maraqlarını deyil, başqa dövlətlərin milli maraqlarını müdafiə etsə, sonu Ukrayna kimi olacaq”.
Çimnaz Şahlar
Oxşar xəbərlər
Xəbər lenti
Hamısına bax
KİV: Putin Çinə nüvə çantası ilə gedib
18:24 18.11.2026
Dünya
Sumqayıtda payız-qış mövsümü ilə bağlı müşavirə keçirilib
18:22 18.11.2026
Sosial
KİV: Putin Çinə nüvə çantası ilə gedib
18:09 18.11.2026
Dünya
Dövlət qulluğu üzrə daxili müsahibə elanı ləğv olunub
17:29 18.11.2026
Aktual
Mətbuat Şurası İdarə Heyətinin iclası keçirilib
17:06 18.11.2026
Media
Numan Kurtulmuş Özgür Özəli ziyarət edəcək
16:57 18.11.2026
Siyasət
Bakıda və bəzi rayonlarda külək güclənəcək - XƏBƏRDARLIQ
16:54 18.11.2026
Ekologiya
Bakı Dialoqunun yekun Bəyannaməsi BMT-nin rəsmi sənədi kimi yayılıb
16:30 18.11.2026
Dünya
Putin və Tramp Çində ayaqüstü söhbət ediblər
16:13 18.11.2026
Gündəm
Kino Agentliyi “Azərbaycanfilm” kinostudiyasına köçürüləcək
16:07 18.11.2026
Mədəniyyət
Yeni dünya düzəni qurulmur, Putinə isə imic lazımdır - ŞƏRH
16:04 18.11.2026
Gündəm
Abşeronda yük maşınlarından 10 min manatlıq oğurluq edilib
15:57 18.11.2026
Hadisə
Oğuzda avtoxuliqanlıq edən sürücü həbs olunub
15:32 18.11.2026
Hadisə