Bakıda saxlanılan rusiya vətəndaşlarını, o cümlədən "Sputnik" agentliyinin əməkdaşlarını yaxınları ziyarət edib.
Ombudsman Aparatından APA-nın sorğusuna cavab olaraq bildirilib ki, qeyd olunan şəxslərin hər biri fərdi qaydada qəbul edilmiş, saxlama şəraiti və onlarla rəftar məsələləri yerində araşdırılıb.
Həbs olunan şəxslərin Ombudsmana müraciət edən ailə üzvləri Aparatda qəbul edilmiş, yaxınları ilə görüşləri ilə bağlı müraciətləri Ombudsman tərəfindən təmin olunub.
Ombudsmanın MPQ üzvləri tərəfindən qəbul edilmiş saxlanılan şəxslər saxlanılma şəraiti və onlarla rəftardan şikayət etməyib, görüş və tibbi yardımla bağlı müraciətlərinin təmin olunduğu müşahidə edilib.
Məsələ Ombudsmanın diqqətində saxlanılır.
Qeyd edək ki, iyulun 1-də Bakıda İrandan narkotik vasitələrin tranzitində, onlayn dövriyyəsində və kiberdələduzluq cinayətlərində şübhəli bilinən iki mütəşəkkil cinayətkar dəstə saxlanılıb.
