Müxtəlif elmi araşdırmalar göstərir ki, həyatlarının ilk aylarında belə körpələr bəzi üz cizgilərinə üstünlük verirlər. Onlar simmetrik, ifadəli və emosional baxımdan “canlı” üzlərə daha çox diqqət yetirirlər. Bu, uşaqların “gözəllik” anlayışını formalaşdırmamışdan əvvəl baş verir.
Samuels, Butterworth tərəfindən aparılan araşdırma göstərib ki, cəmi 4 aylıq körpələr böyüklər tərəfindən cazibədar hesab edilən üzlərə daha uzun müddət baxırlar. Bu üstünlük, üzlərin simmetrik olmasından daha çox, onların ifadəliliyi və xoşagəlimli görünüşü ilə bağlıdır.
Rhodes və əməkdaşlarının araşdırması da maraqlı nəticələr ortaya qoydu. 5-8 aylıq körpələrə müxtəlif üz şəkilləri təqdim olunduqda, onlar simmetrik və ya “orta” görünüşlü üzlərə deyil, daha ifadəli, qeyri-adi cizgiləri olan üzlərə üstünlük verirdilər. Alimlər bu davranışı “yenilik” və diqqətəlayiq detalların körpələrin marağını çəkməsi ilə izah ediblər. (Saglamolun.Az)
Bütün bu tədqiqatlar onu göstərir ki, insanların üzlərə qarşı ilkin və instinktiv reaksiyası çox erkən yaşda formalaşır. Körpələr hələ “gözəllik” anlayışını bilmədən belə, daha “canlı” və emosional üzlərə yönəlirlər. Bu isə insan beynində gözəllik və sosial əlaqə mexanizmlərinin dərin və qədim köklərə malik olduğunu göstərir.
