"Azərbaycanda yaşayan hər kəs, dinindən və dilindən asılı olmayaraq bu müqəddəs torpaqları qorumalıdır".
Bu barədə Alban-Udi xristian dini icmasının sədr müavini Rafik Danakari "Report"a açıqlamasında bildirib.
Rafik Danakari Azərbaycan xalqını və ölkə başçısını 26 iyun - Silahlı Qüvvələr Günü münasibətilə təbrik edib:
"Bu gün Talış Suqovuşana ikinci səfərimizdir. Bu səfərimiz bayram səfəridir. Silahlı Qüvvələr Gününü burada, şəhidlərimizin qanı bahasına alınan yerdə qeyd etmək istədik. Bilirsiniz ki, Azərbaycan tolerant bir ölkədir. Bu ölkədə hər bir kəs, dinindən və dilindən asılı olmayaraq bu müqəddəs torpaqları qorumalıdır. Müqəddəs torpaqların azad edilməsində udilər də iştirak edib".
