“Qızıl Topun” beş qat laureatı, portuqaliyalı futbol ulduzu, hal-hazırda Səudiyyə Ərəbistanının “Əl-Nəsr” futbol klubunun formasını geyinən Kriştiano Ronaldo “Forbes” nəşrinin versiyasına görə dünyanın ən yüksək gəlirli idmançısıdır.
Trend xəbər verir ki, yüksək gəlirli idmançıların reytinq cədvəli sözügedən nəşrin saytında dərc edib.
Reytinqə əsasən, Ronaldo 1 may 2024 -1 may 2025-ci il tarixləri ərzində ümumilikdə 275 milyon dollar gəlir əldə edib. Bu məbləğdən 225 milyon dolları birbaşa klubun verdiyi maaş və əlaqədar bonuslar, 50 milyon dolları isə sponsor müqavilələlərindən qaynaqlanıb.
Reytinqdə ikinci yerdə Amerikanın Milli Basketbol Assosasiyasının (NBA) dördqat çempionu, “Qolden Steyt” klubunun basketbolçusu Stefen Karri qərarlaşıb (156 milyon dollar)
“Qızıl Topun” səkkiz qat sahibi, “İnter Mayami” klubunun argentinalı hücumçusu Lionel Messi isə siyahıda beşinci yerdə qərarlaşıb. Həmin müddət ərzində onun gəlirləri $135 milyon dollar təşkil edib.
