Rusiyanın Belqorod vilayətində qəzaya uğrayan "İl-76" təyyarəsinin qara qutusu Rusiya Müdafiə Nazirliyinin laboratoriyasına çatdırılıb və qutuların oxunmasına başlanılıb.
Trend xəbər verir ki, bu barədə Rusiya KİV məlumat yayıb.
Qeyd olunub ki, qutular qənaətbəxş vəziyyətdədir və hazırda onlardakı məlumatların köçürülməsinə başlanılıb.
Xatırladaq ki, yanvarın 24-də Rusiya Aerokosmik Qüvvələrinə məxsus İl-76 təyyarəsi Belqorod vilayətində qəzaya uğrayıb.
Məlumata görə, qəzaya uğrayan İl-76 təyyarəsinin göyərtəsində Ukrayna Silahlı Qüvvələrinin əsir götürülmüş 65 hərbçisi mübadilə üçün Belqorod vilayətinə aparılıb.
İl-76-nın göyərtəsində Ukrayna Silahlı Qüvvələrinin əsir götürülən hərbçilərindən əlavə, 6 ekipaj üzvü və onları müşayiət edən 3 şəxs olub.
