Göygöl Rayon Polis Şöbəsinə rayon sakini G. Allahverdiyevanın kəsici-deşici alətlə qulaq nahiyəsindən dərəcəsi təyin edilməyən xəsarət alması barədə polisə məlumat daxil olub.
Daxili İşlər Nazirliyinin (DİN) mətbuat xidmətinin Gəncə regional qrupunun baş inspektoru Eşqin Qasımov APA-ya bildirib ki, polis əməkdaşları tərəfindən hadisəni törətməkdə şübhəli bilinən şəxsin saxlanılması istiqamətində müvafiq tədbirlər həyata keçirilir: "Hadisəni törətməkdə şübhəli bilinən şəxs zərərçəkənin qulağını kəsməyib. Münaqişə nəticəsində qulaq nahiyyəsinə xəsarət yetirib. Faktla bağlı əlavə məlumat veriləcək".
***
03.04
Göygöl rayonunda qadına xəsarət yetirilməsinin təfərrüatı məlum olub.
APA-nın yerli bürosunun məlumatına görə, Göygöl rayonunun Üçtəpə kəndi ərazisində Gəncə şəhər sakini 1994-cü il təvəllüdlü G. Allahverdiyevaya həyat yoldaşı tərəfindən bıçaqla xəsarət yetirildiyi bildirilir.
Faktla bağlı araşdırma aparılır.
***
21:18
Göygöl rayonunda bıçaqlanma hadisəsi baş verib.
APA-nın yerli bürosunun məlumatına görə, 1994-cü il təvəllüdlü G. Allahverdiyeva qulağının kəsilmiş deşilmiş yarası ilə xəstəxanaya yerləşdirilib.
Məlumata görə, qadını həyat yoldaşı bıçaqlayıb.
Hadisə yerinə polis əməkdaşları cəlb olunub.
