İsrail Müdafiə Qüvvələri (SAXAL) İsrail ilə Fələstin hərəkatı HƏMAS arasında əldə olunan razılaşma çərçivəsində hazırlıq tədbirlərinə başlayıb.
Teleqraf xəbər verir ki, bu barədə ordunun mətbuat xidməti məlumat yayıb.
Bildirilir ki, ordu bölmələrinin yenidən yerləşdirilməsi üçün zəruri göstərişlərin hazırlanması istiqamətində iş aparılır.
"Ölkənin siyasi rəhbərliyinin göstərişlərinə və vəziyyətin qiymətləndirilməsinin nəzərə alınmasına əsasən, SAXAL razılaşmanın icrasına hazırlıq məqsədilə əməliyyat hazırlığına başlayıb. Bu proses çərçivəsində hazırlıq tədbirləri həyata keçirilir və hərbi bölmələrin tənzimlənmiş yerləşmə xəttlərinə keçidi üçün zəruri döyüş planları işlənilir. Bu tədbirlər razılaşmanın icrasına hazırlıq məqsədi daşıyır",- məlumatda deyilir.
