İsrail Qəzza zolağı ilə bağlı müzakirə edilən razılaşma çərçivəsində azad ediləcək olan girovların siyahısını hələ də HƏMAS-dan almayıb.
APA xəbər verir ki, bu barədə İsrailin baş naziri Binyamin Netanyahunun ofisinin müşaviri Dmitri Gendelman məlumat verib.
"İsrail danışıqlar zamanı oğurlanmış vətəndaşların adlarını almayıb. İsrail danışıqlar qrupu növbəti 24 saat ərzində Qətərə uça bilər”, - o bildirib.
“Reuters” HƏMAS nümayəndəsinə istinadən xəbər verir ki, hərəkat Qəzza zolağı ilə bağlı razılaşma çərçivəsində azad edilməyə hazır olan 34 girovun adının siyahısını təsdiqləyib.
