İsrailin Baş naziri Benyamin Netanyahu ABŞ Prezidenti Co Baydenin ona yönəlik tənqidlərini rədd edib və israillilərin əksəriyyətinin onun Qəzza zolağındakı siyasətini dəstəklədiyini bildirib.
Axar.az xəbər verir ki, bu barədə İsrail mətbuatı məlumat yayıb.
"ABŞ Prezidenti bununla hesab edir ki, mən israillilərin əksəriyyətinin istəklərinə zidd olan şəxsi siyasət yeridirəm və bu, İsrailin maraqlarına zərərlidir, o, hər iki baxımdan yanılır",- o bildirib.
Onun fikrincə, Qəzzada əməliyyatlar ölkə vətəndaşlarının böyük əksəriyyəti tərəfindən dəstəklənir:
"Onlar (israillilər - red.) qalan HƏMAS batalyonlarını məhv etmək üçün gördüyümüz tədbirləri dəstəkləyirlər".
Qeyd edək ki, Bayden Netanyahunun Qəzzadakı hərəkətləri ilə bütün dünyanı özünə qarşı çevirdiyi üçün İsrailə kömək etməkdən daha çox zərər verdiyini bildirmişdi.
