Rusiya Prezidenti Vladimir Putinin qeyd etdiyi sülh danışıqlarının şərtləri ilə bağlı vaxt məhdudiyyəti yoxdur, lakin cəbhədəki şərtlər sürətlə dəyişir.
Axar.az xəbər verir ki, bu barədə Kreml sözçüsü Dmitri Peskov deyib.
“Lakin cəbhədəki vəziyyət dinamik şəkildə dəyişir və elə bir məqam gələcək ki, o, yenidən elə dəyişəcək ki, Kiyev rejimi üçün bu, onun mövqeyinin daha bir pisləşməsi deməkdir”, - deyə Peskov bildirib.
Qeyd edək ki, Putin Ukraynanın Donbas və “Novorossiya”dan qoşunlarını çıxarmağa başlayan və NATO-ya qoşulmamaq öhdəliyini götürən kimi Rusiyanın atəşi dayandıracağı və danışıqlara hazır olacağını bildirib.
