Ukrayna və Avropa ölkələri ukraynalıların evlərinə qaytarılması proqramı üzərində işləyirlər.
Teleqraf xəbər verir ki, bunu Ukraynanın Dövlət Miqrasiya Xidmətinin rəhbəri Natalya Naumenko deyib:
"Bu gün bir çox avropalı siyasətçilərlə danışıqlar aparırıq və ukraynalıların ölkələrinə geri qayıtması yollarını araşdırırıq. Vətəndaşlarımızı geri qaytarmağı bizim üçün vacibdir" - deyə, o bildirib.
Ukrayna müstəqillik əldə etdikdən sonra ciddi demoqrafik problemlər yaşayır. Demoqrafiya və Sosial Tədqiqatlar İnstitutunun hesablamalarına görə, hazırda Kiyevin nəzarətində olan ərazilərdə 25-28 milyon insan yaşayır.
Qurumun direktoru əvvəllər bəyan etmişdi ki, respublika 52 milyona yaxın insanın yaşadığı sovet səviyyəsinə qayıtmayacaq.
