Ermənistanın Baş naziri Nikol Paşinyan Feysbuk səhifəsində istifadəçilərdən biri Aleks Gevorkyanın tənqidinə münasibət bildirib.
Axar.az xəbər verir ki, bu barədə Ermənistan mətbuatı məlumat yayıb.
Sosial şəbəkə istifadəçisi Paşinyanın paylaşımına bunları yazıb: “İndi baş nazirsən, yoxsa bloger? Qərar ver. Döyüş meydanında sərhədi qoruya bilən vətənin, torpağın qədrini bilər. İşə başla”.
Paşinyan isə ona uzun bir cavab verib:
“Hörmətli Aleks Gevorqyan, sizin reaksiyanız məni təəccübləndirmir, çünki bizim reallıqda çox vaxt məsələ şüursuz, tarixi olmayan, konseptual və analitik dəstəyi olmayan hərəkatdır. Bu, həm də ona görədir ki, bir çox insan kredit götürür və xidmət göstərə bilmir və yalnız xidmət göstərə bilməyəndən sonra başa düşür ki, əvvəlcə düstur yaratmalı, düşünüb başa düşməli, sonra qərar qəbul etməlidir.
Bir çox insan "iş" adlanan fəaliyyətlərə böyük fiziki enerji sərf edir, lakin nəticədə daha da yoxsullaşır. Hörmətsiz tonunuza gəlincə, əgər bu, özünüzə hörmətinizi artırmağa kömək edirsə, mən bu məqsədə də xidmət etməyə hazıram. Amma yaxşı olardı ki, siz Ermənistanda işləməklə, Ermənistan Respublikasına vergi ödəməklə özünüzə hörmətinizi artırasınız.
Əgər reallıqda bunu edirsinizsə, mən minnətdaram".
