“Yunanıstanın “əli” ilə Türkiyədən güzəştlər qopartmaq istəyirlər” – ABŞ və Fransadan həmlə...
Yusif Nəzərli
15:55 22.11.2021
Dünya
577
Türkiyənin milli müdafiə naziri Hulusi Akar Ege və Aralıq dənizindəki vəziyyət barədə danışıb.
O bildirib ki, Türkiyə heç bir halda hücum mövqeyində deyil, oradakı haqlarını müdafiə edir.
Türkiyənin bütün addımlarının məntiqli və soyuqqanlı olduğunu nəzərə çatdırıb:
“Biz belə davranarkən Yunanıstan təxribatçı hərəkətlər edir. Yunanıstan rəsmiləri sanki Türkiyənin Yunanıstana qarşı bir həmləsi var imiş kimi ifadələr işlədirlər, Türkiyənin işğalçı olması barədə rəy formalaşdırmağa çalışırlar. Ancaq əslində tarix də, indi baş verənlər də təcavüzkarın kim olduğunu aydın şəkildə göstərir”.
H.Akar Yunanıstan rəsmilərinin fikirlərinə sərt reaksiya verib: “Yunanıstan rəsmiləri tarixə, hüquqa və gündəlik həyata zidd olan fikirlər ortaya atırlar. Onlar insan haqlarından danışırlar. Ancaq Yunanıstan sahil mühafizəçilərinin müdafiəsiz mülki şəxslərin qayıqlarını dənizin ortasında batırmağa çalışmaları, atəş açmaları insanlıq əleyhinə böyük cinayət və vicdansızlıqdır. Belə bir mühitdə hadisələrin Türkiyəyə qarşı yönəldilməsi başa düşülən olsa da, bu, əxlaqi, hüquqi və real məsələ deyil. Bu, sırf ikiüzlülük və riyakarlıqdır”.
Qeyd edək ki, Türkiyə prezidenti Rəcəb Tayyib Ərdoğan və Milliyətçi Hərəkət Partiyasının sədri Dövlət Baxçalının Beştəpədə "Türk Dünyası Xəritəsi" ilə çəkdirdikləri foto beynəlxalq aləmdə əks-səda doğurub. Yunanıstan xəritədən narahat olduğunu, bunun hiddət doğuran addım olduğunu deyib. Rusiya isə “Xəritədə düzəliş edilməlidir” fikrini irəli sürüb. Yunan mətbuatı bu fotonun təxribat xarakterli olduğunu yazıb. "Greek City Times" xəbər saytı "Ərdoğan, Trakya və Kipr də daxil olmaqla Türk Dünyasının təxribatçı xəritəsi var" şərhini yazıb.
Türkiyə -Yunanıstan məsələlərini '"Sherg.az"a şərh edən beynəlxalq məsələlər üzrə mütəxəssis Əziz Əlibəyli vurğulayıb ki, məsələnin başqa aspekti Fransa-Türkiyə münasibətlərinə aiddir:
"İki ölkə arasında Afrikada, Aralıq dənizi və dünyanın müxtəlif ölkələrində genişlənən formada mübarizə davam edir. Yunanıstan Fransanın alətlərindən biridir. ABŞ Yunanıstanı silahlandırır. Çünki Rusiyanın bölgəyə doğru artan nüfuzu var. Xüsusilə, Suriyadan uğur əldə etdikdən sonra Aralıq dənizinə çıxışı olan Tartus limanı rəsmi Moskvanın nəzarətinə keçdi. Toplaşmalar mübarizənin tərkib hissəsidir.
Lokal toqquşmaların olma ehtimalı var. Hər iki ölkəyə müharibə etməyə heç kim izin verməz. Yeganə məsələ Türkiyənin diqqətini Ege və Aralıq dənizi hissələrinə cəlb etməkdir. Yaxud başqa yerdə Türkiyəylə bağlı problemlər yaradıb, onun Şərqi Anadolu dənizindəki mövqelərini ələ keçirtməyə çalışırlar.
İndi isə Ege bölgəsində, həm Qara dəniz, həm də Şərqi Ağdəniz istiqamətində ərazi sularının müəyyənləşməsi problem kimi qalıb.
Dəniz hüquqlarına görə Türkiyə tənzimləmək istəyir, lakin Yunanıstan tarixə əsaslanır. Hətta Mersinə qədər gəlib çıxıblar". Analitikin sözlərinə görə, bu Yunanıstanın deyil, Fransa və Amerikanın həmləsidir:
"Türkiyədən coğrafiyada bəlli güzəştlər qopartmaq istəyirlər. Hadisələr toqquşma həddinə gələ bilər. Lakin savaşdan söhbət getmir. Yunanıstanın Fransadan "Rafale" tipli döyüş təyyarələri alması ciddi şəkildə hava üstünlüyü əldə etməsinə yaxındır. Bu Türkiyə üçün problem yarada bilər. Belə vəziyyət davam edəcək. Yunanıstanın indiki baş nazirinin Türkiyəyə tarixdən gələn nifrətlə yanaşması var.
Hakimiyyətlər tez-tez dəyişir, koalisiyalar var. Ona görə, növbəti hökumətə qədər gözləməliyik".
Oxşar xəbərlər
Xəbər lenti
Hamısına bax
Hörmüz boğazından çıxan tanker vurulub
21:47 20.11.2026
Dünya
"Sabah" "Sumqayıt"ı darmadağın etdi
21:35 20.11.2026
Futbol
Danimarka Rusiyanın hərbi attaşesini ölkədən çıxarır
21:23 20.11.2026
Dünya
Estoniya diplomatı Rusiya XİN-ə çağırıldı
20:40 20.11.2026
Aktual
Bakıda Cənubi Koreyanın milli bayramı qeyd edildi
20:25 20.11.2026
Siyasət
KİV: ABŞ və İsrail İrana yeni zərbələr endirməyə hazırlaşır
20:17 20.11.2026
Gündəm
Britaniya Rusiyaya və Çinə qarşı kiberəməliyyatlar həyata keçirir
20:04 20.11.2026
Dünya
Bakı metrosunda texniki xəta baş verdi - Qatarlar gecikdi
19:47 20.11.2026
Hadisə
İŞİD-ə qoşulmuş şəxslər saxlanılaraq Azərbaycana gətirildi
19:10 20.11.2026
Hadisə
Taksi sürücüləri üçün növbəti imtahanın tarixi açıqlandı
18:53 20.11.2026
Sosial
Fransanın keçmiş baş naziri prezident seçkilərinə qatılacaq
18:48 20.11.2026
Dünya
Naftalanda 3 məktəblini maşın vurub
18:37 20.11.2026
Hadisə
Pul yoxdur, xalq etiraz edir - Pezeşkian
18:24 20.11.2026
Dünya
Aİ Rusiyaya qarşı 22-ci sanksiyalar paketini hazırladı
17:57 20.11.2026
Dünya
KİV: ABŞ və İsrail İrana hücumu nəzərdən keçirir
17:10 20.11.2026
Gündəm