Azərbaycanda keçiriləcək növbədənkənar prezident seçkiləri tarixi seçkilərdir.
Trend-in xəbərinə görə, bunu Mərkəzi Seçki Komissiyasının sədri Məzahir Pənahov qurumun bu gün keçirilən iclasında deyib.
O qeyd edib ki, ərazilərimiz bərpa edildikdən sonra bütün ölkə ərazisində seçkilər ilk dəfə olaraq keçirilir.
“Ona görə də bu seçkiləri tarixi seçkilər adlandırmaq olar”, - deyə o əlavə edib.
Xatırladaq ki, dekabrın 7-də Prezident İlham Əliyev Azərbaycanda növbədənkənar prezident seçkilərinin elan edilməsi barədə sərəncam imzalayıb. Sərəncama əsasən, fevralın 7-də növbədənkənar prezident seçkiləri keçiriləcək.
