Münhendə Ukrayna Prezidenti Volodimir Zelenski ilə ABŞ-nin vitse-prezidenti Ceyms Devid Vens arasında görüş baş tutub.
Sherg.az bu barədə xarici mediaya istinadən xəbər verir. "Biz sülhə necə nail olmaq barədə yaxşı müzakirələr apardıq və yaxın günlərdə, həftələrdə və aylarda daha çox müzakirələr olacaq. Biz müharibənin bitməsini istəyirik", - ABŞ vitse-prezidenti bildirib.
Vens bəyan edib ki, ABŞ-nin məqsədi Ukraynada davamlı sülhə nail olmaqdır. Görüşdə ilkin olaraq danışıqların təxirə salınmasına səbəb olan mineral ehtiyatlar sazişi mövzusu müzakirə olunmayıb.
Zelenski və Yermak artıq konfransı tərk ediblər.
Bu arada Putin Donald Tramp administrasiyasının nümayəndələri ilə danışıqlar aparmaq üçün bir heyət toplamağa başlayıb.
Bloomberg-in məlumatına görə, komandaya aşağıdakılar daxildir:
- Yuri Uşakov, xarici siyasət müşaviri,
- Sergey Narışkin, Xarici Kəşfiyyat Xidmətinin rəhbəri,
- Kirill Dmitriyev, Rusiya Birbaşa İnvestisiya Fondunun rəhbəri.
