Cari ilin yanvar-aprel aylarında Azərbaycanda 1 026,3 kiloqram qızıl istehsal edilib.
Trend bu barədə Dövlət Statistika Komitəsindən məlumat əldə edib.
Məlumata görə, qızıl istehsalı ötən ilin eyni dövrü ilə müqayisədə 426,8 kiloqram və ya 71,2% artıb.
Belə ki, ötən ilin yanvar-aprel aylarında Azərbaycanda 599,5 kiloqram qızıl istehsal olunmuşdu.
Qeyd edək ki, cari ilin may ayının birinə ölkədə hazır qızıl ehtiyatının miqdarı 64,5 kiloqram olub.
Xatırladaq ki, ötən il Azərbaycanda 2 min 663 kiloqram qızıl istehsal edilib. Qızıl istehsalı əvvəlki ilin göstəriciləri ilə müqayisədə 97 kiloqram və ya 3,5% azalıb. Belə ki, 2023-cü ildə Azərbaycanda istehsal olunan qızılın həcmi 2 min 660 kiloqram olub.
