Atəşkəs alınmadı. Rusiya Prezidenti Vladimir Putin nümayəndə heyətini İstanbula atəşkəs əldə etmək üçün göndərməyibmiş.
Axar.az xəbər verir ki, bu sözləri politoloq Elxan Şahinoğlu Rusiya və Ukrayna nümayəndələri arasında İstanbulda keçirilən bugünkü görüş haqda qeyd edib.
“Belədirsə, Putinin bir neçə gün əvvəl “15 mayda Ukrayna ilə İstanbulda təmaslara başlamağa hazırıq” təklifi nəyə xidmət edirdi? Putin əvvəlcədən bilirdi ki, Ukraynanın əsas tələbi 30 günlük atəşkəsdir. Kreml sahibi buna razı olmadığından İstanbuldakı görüşdən nəticə çıxmadı. Döyüşlər və hər iki tərəfdən itkilər davam edəcək”, - politoloq bildirib.
