Dekabrın 2-3-də İsveçin paytaxtı Stokholmda ATƏT Xarici İşlər Nazirləri Şurasının 28-ci iclası keçiriləcək.
APA-nın Moskva müxbirinin xəbərinə görə, bu barədə Rusiya Xarici İşlər Nazirliyinin (XİN) rəsmi nümayəndəsi Mariya Zaxarova bu gün keçirdiyi brifinqdə bildirib.
O, Rusiya XİN başçısı Sergey Lavrovun ATƏT Xarici İşlər Nazirləri Şurasının iclasında iştirak edəcəyini vurğulayıb. M. Zaxarovanın sözlərinə görə, iclasda Ukrayna, Dnestryanı, Qarabağ daxil olmaqla ATƏT məkanında olan münaqişələrin nizamlanmasının həll yolları müzakirə olunacaq.
