"Əhməd Obalı mənfur İran rejiminə qarşı mübarizə aparan ən dəyərli şəxsiyyətlərimizdən biridir. Oğlu Dənizlə birgə ABŞ-da uğradığı xain saldırını şiddətlə qınayıram".
Sherg.az xəbər verir ki, bu sözləri millət vəkili Fazil Mustafa Güney Azərbaycan Milli Azadlıq Hərəkatının lideri, GünAz TV-nin rəhbəri Əhməd Obalı və oğlu Dənizin ABŞ-da vəhşicəsinə döyülməsinə münasibət bildirərkən deyib.
Fazil Mustafa Əhməd Obalıya və oğluna Allahdan şəfa diləyib.
"Əminəm ki, qatil rejimin terrorçuları öz layiqli cəzalarını alacaqlar", - deyə millət vəkili qeyd edib.
Xatırladaq ki, Əhməd Obalı və oğlu Dəniz ABŞ-da vəhşicəsinə döyülüb. Obalılara sui-qəsd edən 6 nəfər ABŞ polisi tərəfindən saxlanılıb.
