"Cənab Kılıçdaroğlundan konkret məlumatı olub-olmadığını soruşdum, cavab verdi ki..."
Rusiya tərəfindən Türkiyədə keçirilən prezident seçkilərinə təsir etmək cəhdləri barədə məlumat daxil olmayıb.
Trend-in məlumatına görə, bu barədə Türkiyənin xarici işlər naziri Mövlud Çavuşoğlu Cümhuriyyət Xalq Partiyasının (CHP) sədri Kamal Kılıçdaroğlunun müvafiq ittihamlarına münasibət bildirərkən deyib.
"Cənab Kılıçdaroğlu Rusiyaya qarşı təhdidlər dilə gətirib. Heç bir səbəbi olmadan ölkə ilə münasibətlərimizi korlamaq yaxşı deyil. Cənab Kılıçdaroğlundan konkret məlumatı olub-olmadığını soruşdum. Əgər varsa elə bir məlumat, qoy paylaşsın. Cavab verdi ki, məndə [Rusiya tərəfinin hərəkətləri ilə bağlı] “belə təəssürat yaranıb”. Türkiyədə iqtidar iddiasında olan bir müxalifət lideri daha ciddi olmalıdır. Bizə də heç bir məlumat daxil olmayıb", - deyə nazir qeyd edib.
