Hacıqabulda 15 yaşlı atlını yük avtomobili vurub.
APA-nın Mil-Muğan bürosunun məlumatına görə, hadisə Bakı-Qazax magistralının Hacıqabul rayonu ərazisindən keçən hissəsində baş verib.
"Shachman" markalı yük avtomobili yolu keçən atlı, Şamaxı rayon sakini, 2005-ci il təvəllüdlü Babayev Amil Vaqif oğlunu vurub.
Ağır xəsarətlər alan 15 yaşlı oğlan Şirvan şəhər Xəstəxanasına yerləşdirilib.
Faktla bağlı araşdırma aparılır.
