“Bu işlə 4 övladımı universitetdə oxutdum, hamısını evləndirdim”
Türkiyənin Kilis şəhərində yaşayan dəri ayaqqabı ustası Mehmet Baysal, uşaq yaşlarında öyrəndiyi ata peşəsini 60 ildir fasiləsiz şəkildə davam etdirir.
Sherg.az xəbər verir ki, hazırda 68 yaşında olan Baysal, cəmi 7 kvadratmetrlik kiçik emalatxanasında həm dəri ayaqqabı hazırlayır, həm də təmir işləri ilə məşğuldur. O, bu işi bir sənət kimi gördüyünü deyir:
“Əgər bu sənəti sevməsəydim, burada 60 il oturmazdım. Səhər saat 07:30-da dükanımı açır, işimi sevə-sevə görürəm”.
Atası ilə birlikdə ayaqqabı istehsalı etdiklərini deyən Baysal əlavə edib:
“Atam istehsalla məşğul olurdu, mən də onun yanında bu peşəni öyrəndim. Atam dünyasını dəyişəndən sonra dəri ayaqqabı istehsalı və təmir işlərinə yönəldim. Bu dükanda sənətimi sevə-sevə davam etdirirəm”.
Zərgərlik və sənət işlərinə marağın azaldığını deyən usta bildirib ki, gənclər daha çox dövlət qulluqçusu olmaq istəyirlər:
“Şagird gəlmir, hamı məktəbə gedir. “Dövlət işçisi olacağam” deyirlər. Amma bu peşə də yaxşı qazanc gətirir. Ayda 100-150 min lirə gəlirim olur, bəzən daha da çox qazanıram. Bu işlə 4 övladımı universitetdə oxutdum, hamısını evləndirdim”.
Baysal bu sənətin ona və ailəsinə çox şey verdiyini vurğulayaraq belə deyib:
“Allah bu sənətin hörmətinə hər şeyi mənə qismət etdi”.
