Bibərlərdən yüksək məhsul almaq üçün təkcə suvarma kifayət etmir. Mütəxəssislər kartof suyunu təbii gübrə kimi tövsiyə edir.
Sherg.az xəbər verir ki, kartof qaynadıldıqdan sonra əldə olunan bu su, bibərlərin ehtiyac duyduğu kalium, fosfor və maqneziumla zəngindir.
Bu təbii qarışıq bitkilərin böyüməsini sürətləndirir, xəstəliklərə qarşı müqavimətini artırır və daha dolğun, sağlam meyvələr verir. Hazırlamaq çox asandır: sadəcə duz əlavə edilməmiş qaynadılmış kartof suyunu soyudun və səhər və ya axşam saatlarında bitkinin kök hissəsinə tökün. Kimyəvi gübrəyə ehtiyac olmadan bağınızda bolluq yarada bilərsiniz.
