Çində fəaliyyətə başlayan Beynəlxalq Dərin Kosmos Araşdırmaları Birliyi (IDSEA), Ay və planetlərin kəşfi, asteroid müdafiəsi kimi sahələrə fokuslanacaq.
Sherg.az xəbər verir ki, Anhui əyalətinin Hefey şəhərində fəaliyyətə başlayan bu qurum, Çin Milli Kosmos İdarəsi (CNSA), Çin Astronotika Cəmiyyəti və Fransanın “Planetary Exploration, Horizon 2061” təşəbbüsü ilə birgə yaradılıb. Birliyin qurulmasına 31 beynəlxalq alim və 20 çinli akademik dəstək verib.
Çin Ay proqramının baş memarı Vu Veyrın IDSEA-nın sədri seçilib. O bildirib ki, bu birlik Çin kosmos proqramı ilə beynəlxalq əməkdaşlıq və qlobal inkişaf baxımından mühüm addımdır.
IDSEA-nın əsas məqsədləri bunlardır:
Ay və planetlərin araşdırılması
Asteroidlərin qarşısının alınması
Dərin kosmos sahəsində beynəlxalq tədbirlərə ev sahibliyi
Beynəlxalq standartların və qaydaların hazırlanmasında iştirak
Kosmosun sülh yolu ilə və davamlı istifadəsinə töhfə vermək
Vu Veyrın dünya alimlərini bu qlobal tədqiqatlara qatılmağa çağırıb.
