Bu yaxınlarda “Cry Macho” (2021) filminin rejissor kürsüsündə əyləşən Hollivudun canlı əfsanəsi Klint İstvud son filmini çəkir.
Sherg.az xəbər verir ki, Sergio Leonenin rejissorluğu ilə çəkilmiş Qərb filmləri ilə parlayan, aktyorluq karyerasına 1970-ci illərdən rejissorluğu da əlavə edən 93 yaşlı sənətçi, son filmi olduğu düşünülən “Juror 2”-ni idarə edəcək.
Klint İstvud məşhur primatoloq Ceyn Qudalla görüşüb. Gələn ay 94 yaşı tamam olacaq Hollivud ustası uzun müddətdir ki, gözdən yayınıb.
"Juror 2" filmi ilə Hollivud karyerası ilə vidalaşacağı düşünülən İstvudun qocalmasına baxmayaraq sağlam və canlı göründüyünə dair şərhlər edilib.
Film qurbanın ölümündə əli olduğundan şübhələnən bir cinayət işində münsiflər heyətindən bəhs edir. 2 nömrəli münsif, münsiflər heyətinin hökmünə təsir etmək və öz sirrini qorumaq üçün mübarizə aparmaq, yoxsa iştirak etdiyi ədliyyə sisteminə təslim olmaq üçün mübarizə aparmaqla bağlı mənəvi çətinliyə düşür.
Rejissorluq karyerasında “Bağışlanmamış”, “Qran Torino”, “Mistik çay”, “Milyon dollarlıq körpə” kimi bir çox filmə rejissorluq edən İstvudun yeni filmində Nikolas Hoult və Toni Kolletin rol alacağı məlum olub.
Klint İstvud iki dəfə Ən Yaxşı Rejissor Oskarını qazanıb.
O, 1993-cü ildə "Unforgiven" filminə və 2005-ci ildə “Milyon dollarlıq körpə”yə görə Oskar mükafatına layiq görülüb.
