Rumıniya XİN: “Azərbaycan Cənubi Qafqazda ən böyük ticarət tərəfdaşımızıdır”
Yusif Nəzərli
09:25 12.10.2021
Siyasət
370
Rumıniya Azərbaycanın qəti dəstəyi və iştirakı ilə ərsəyə gətirilmiş Cənub Qaz Dəhlizini qaz mənbələrinin və nəql xətlərinin şaxələndirilməsi hesabına Avropanın enerji təhlükəsizliyini gücləndirməyin ən ardıcıl şəkli olaraq görür.
Bunu “Report”un sorğusuna cavab olaraq Rumıniya Xarici İşlər Nazirliyindən bildiriblər.
“İndi Xəzər qazının Rumıniya üzərindən Mərkəzi və Şərqi Avropadakı yeni bazarlara nəqli ilə bağlı variantları daha ətraflı araşdıra bilərik. Artıq beynəlxalq miqyasda vurğuladığımız kimi, Cənubi Qaz Dəhlizinin bir qolu olaraq BRUA (Bolqarıstan – Rumıniya – Macarıstan - Avstriya) xəttinin inkişaf etdirilməsi həm Avropa İttifaqı, həm də Azərbaycan üçün faydalı olar”, – nazirliyin açıqlamasında deyilir.
“Cənub Qaz Dəhlizinin Mərkəzi Avropa istiqamətində genişləndirilməsi üçün töhfə verməyə hazır olduğunu bildirən Rumıniya IGB (Yunanıstan – Bolqarıstan interkonnektoru) layihəsi hazır olandan sonra bazardakı şərtlər də əl versə, gələcəkdə “Şaquli Dəhliz” layihəsi ilə genişlənəcəyinə ümidvardır.
Biz də “Şaquli Dəhliz”in mərkəz ünsürü hesab etdiyimiz BRUA layihəsinin ilk mərhələsini ötən il başa çatdırmışıq. Beləliklə də Azərbaycan (və bütövlükdə Xəzər) qazı BRUA kəmərilə şimala nəql olunmaqla Avropanın daha çox istehlakçısına çatdırıla bilər”, – Rumıniya XİN-in bəyanatında qeyd olunur.
“Bununla yanaşı, Rumıniyada SOCAR-ın fəaliyyətinə diqqət yetirilir. SOCAR-ın Rumıniyadakı biznesinin həcmi daim artır, çünki hazırda şirkət ölkə dairələrinin yarısından çoxunda 64 yanacaqdoldurma məntəqəsini idarə edir. Rumıniyaya gəldiyi gündən etibarən 64 milyon avroluq sərmayə qoyan, 700-dən çox yeni iş yeri yaradan SOCAR-ın göstərdiyi xidmətlərinin keyfiyyətinə ölkədəki istehlakçılar tərəfindən daim yüksək qiymət verildiyi də diqqətə çatdırılır.
Avropanın enerji təhlükəsizliyini daha yüksək səviyyədə təmin edilməsi yolunda mühüm nailiyyətin 2020-ci ilin sonundan fəaliyyətə başlayan Cənub Qaz Dəhlizi vasitəsilə Azərbaycan təbii qazın Avropa bazarına ixrac olunması olduğu bildirilir. 2018-ci ildən bəri Cənubi Qaz Dəhlizi Məşvərət Şurasının nazirlər iclaslarında Rumıniya da iştirak edir.
Bu gün Azərbaycan Cənubi Qafqaz regionunda ən böyük ticarət tərəfdaşımızdır. Belə ki, strateji tərəfdaşlıq sazişi imzalandığı 2009-cu ildən bu yana iki ölkə arasında ticarət dövriyyəsi xeyli artıb”, – XİN-in açıqlamasında diqqətə çatdırılır.
Oxşar xəbərlər
Xəbər lenti
Hamısına bax
Mübariz Əhmədoglu təcili üzr istəməlidir - Kamran Ramazanlı
20:21 21.11.2026
Cəmiyyət
Çinli gənc milyarder sərvətinin 90 faizini itirdi
19:55 21.11.2026
Dünya
“Qalatasaray” “Samsunspor”u məğlub edərək yeni rekorda imza atıb
19:23 21.11.2026
Futbol
Türkiyədə zəncirvari qəza: 14 nəfər yaralandı
19:03 21.11.2026
Hadisə
Aktrisa boşandığı həyat yoldaşı ilə yenidən bir arada - FOTO
18:51 21.11.2026
Şou
Zelenski: ABŞ Ukrayna və Rusiya ilə yeni danışıqlar planlaşdırır
18:36 21.11.2026
Dünya
Kral III Çarlz Türkiyəyə COP31-ə ev sahibliyinə görə təşəkkür etdi
18:32 21.11.2026
Aktual
Qazaxda kişi dəm qazından boğularaq ölüb
18:21 21.11.2026
Hadisə
Daha bir Vətən müharibəsi qazisi əmək qabiliyyətini bərpa edib
18:03 21.11.2026
Cəmiyyət
Tramp Putinin də G20 sammitində iştirakını gözləyir
17:45 21.11.2026
Dünya
ABŞ Rusiyada doğulan şəxsi deportasiya etmək istəyir
17:43 21.11.2026
Dünya
“Şəfa” “Qəbələ”yə qarşı, “Turan Tovuz”dan qələbə - Yenilənir
17:26 21.11.2026
Futbol
“Turan Tovuz” azlıqda “Şamaxı”ya qalib gəldi
16:42 21.11.2026
Futbol