Bu gün "525-ci qəzet"in baş redaktoru, Azərbaycan Yazıçılar Birliyinin sədr müavini, Azərbaycan Mətbuat Şurasının sədri Rəşad Məcidin 59 yaşı tamam olur.
"Sherg.az" Rəşad Məcidi ad gününü təbrik edib, yeni yaşı ilə bağlı təəssüratlarını öyrənib.
R.Məcid bildirib ki, ad gününü adətən ailəsi və nəvələri ilə qeyd edir:
"Təmtəraqlı ad günləri keçirmək həvəskarı deyiləm. Son illərdə doğum günüm üçün ən surpriz və təsirli məqamlar təbriklərlə bağlı olur. Gözləmədiyim insanlardan aldığlm təbriklər məni təsirləndirir. Bu gün sosial şəbəkələrdə 15-20 il bundan əvvəl etdiyim və unutduğum yaxşılıqlar barədə müəyyən insanlar yazır. Deməli, onların həyatında bu əhəmiyyətli məqam olub. Bu il ad günümdə Feysbuk, WhatsApp və zənglər vasitəsilə təbrik hücumuna məruz qaldım. Bütün təbrik edənlərə təşəkkürümü bildirirəm.!
R.Məcid həmçinin qeyd edib ki, ən böyük arzularımdan biri torpaqlarımızın azad edilməsi idi:
Doğulduğum Laçının Ağoğlan kəndini, yaşadığım Ağdam və oradakı evlərimizi ziyarət edib, gördüm. Gələcəkdə bizi işğaldan azad olunmuş torpaqlarımızda böyük quruculuq işləri gözləyir. Eyni zamanda hər birimiz çalışmalı və fədakar olmalıyıq. Bu gün Azərbaycanı istəməyən qüvvələr var. O qüvvələrə qarşı mətbuat və ədəbiyyatımız da səfərbər olmalıdır".
