Avropa İttifaqının Şurası Gürcüstan hökumətinin ölkənin Aİ-yə inteqrasiya prosesini 2028-ci ilədək dayandırmaq qərarına təəssüflənir.
Teleqraf.com xəbər verir ki, bu barədə Aİ Şurasının hesabatında deyilir.
Şura Gürcüstan hakimiyyətini təcili olaraq Aİ yoluna qayıtmağa və Avropaya inteqrasiyanın əsas prinsiplərinə uyğun olaraq demokratik, hərtərəfli və davamlı islahatlar həyata keçirməyə çağırıb.
Hesabatda Aİ Şurasının gürcü xalqını Avropa yolunda dəstəkləməyə hazır olduğu bir daha təsdiqlənib. Eyni zamanda, Gürcüstanda xarici təsirin şəffaflığı haqqında qanunun, eləcə də Aİ-nin əsasını qoyduğu dəyər və prinsiplərə zidd olan digər qanunların qəbulu ilə bağlı ciddi narahatlıq ifadə olunub.
Sənəddə həmçinin qeyd olunub ki, Gürcüstan ifadə və toplaşma azadlığı, medianın azadlığı, müstəqilliyi və plüralizmi, habelə LGBT nümayəndələrinin hüquqlarına tam hörməti təmin etməlidir.
