“Atəşkəs müharibədə heç-heçədir. Atəşkəs Rusiya üçün müharibəni müvəqqəti dondurmaq üçün bir yoldur”.
Teleqraf xəbər verir ki, bunu Ukrayna Prezidenti Volodimir Zelenski deyib.
Zelenski “Rusiya Prezidenti Vladimir Putinlə güzəştə getməyin vaxtıdırmı” sualına belə cavab verib:
“Hər halda atəşkəs heç-heçə deməkdir - nə qələbə, nə də məğlubiyyətdir. Bu, de-fakto müvəqqəti dondurmadır və bu, hər iki tərəf üçün kompromisdir. Bu müharibənin hər iki tərəfinin tamamilə fərqli məqsədləri var. Ruslar bizi işğal etmək niyyətindədirlər, bunu açıq şəkildə bəyan edirlər. Ukraynalılar isə müharibəni dayandırmaq niyyətindədirlər”.
Ukrayna lideri rusiyalı həmkarının müharibəni dayandırmaq tələblərinə əməl etməyə hazır olub-olmaması ilə bağlı suala mənfi cavab verib:
“Xeyr. İlk növbədə, biz dialoqun, qeyd-şərtsiz atəşkəsin tərəfdarıyıq. Görüşmək, danışmaq və real kompromisin mümkün olub-olmadığını anlamaq fikrini dəstəkləyirik. Müharibəni dayandırmaq üçün real yol varmı? Bu, vacibdir, çünki belə bir görüşdən, danışıqlardan sonra hansısa çıxış yolu axtarmaq lazımdır”.
Zelenski vurğulayıb ki, Putin təkcə Ukrayna ərazisini deyil, həm də onun kimliyini tədricən məhv etmək istəyir:
“Rusiya diktatoru Ukraynanın ləng işğalına, Avropanın yardımının azaldılmasına və ABŞ-nin müharibədən tamamilə çıxmasına ümid edir, həm də sanksiyaların ləğvini gözləyir”.
