Pentaqonun rəhbəri Pit Heqset Polşanı NATO-nun şərq cinahında ABŞ-nin strateji tərəfdaşı adlandırıb.
Teleqraf PAP agentliyinə istinadla xəbər verir ki, o, bunu Varşavada Polşanın müdafiə naziri Vladislav Kosiniyak-Kamışla danışıqlardan sonra brifinqdə deyib.
"Biz Polşanı Avropa qitəsində təkcə öz müdafiəsinə deyil, bütün qitənin müdafiəsinə sərmayə qoymaq istəyən nümunəvi müttəfiq kimi görürük.
Münasibətimiz güclüdür və hər gün güclənir. Polşa NATO-nun şərq cinahında strateji, gələcəyə hesablanmış tərəfdaşdır. Polşa alyansın sübut olunmuş müttəfiqidir, nümunəvi müttəfiqdir - təkcə sözdə deyil, həm də əməldə", - Pentaqon rəhbəri belə deyib.
O, həmçinin Polşada 8000-dən çox Amerika əsgərinin olduğunu bildirib.
