Ermənistanın Baş naziri Paşinyan Moskvaya qələbə paradına gəlib, bu, artıq yaxşı xəbərdir. Bəs o zaman Ermənistanın İctimai Televiziyasında sovetlərin və deməli, həm də erməni xalqının şücaətinin dəyərdən salındığı qalmaqallı materialların yayılmasını necə izah etmək olar?
Axar.az xəbər verir ki, bu sözləri Rusiya Dövlət Dumasının deputatı Alyona Arşinova Ermənistanın İctimai Televiziyasında İkinci Dünya müharibəsində qələbənin SSRİ-nin deyil, Qərb ölkələrinin sayəsində əldə edildiyi, qələbənin qeyd edilməsinə ehtiyac olmadığı haqda veriliş haqda qeyd edib.
“Niyə, məsələn, Ermənistan Müdafiə Nazirliyinin keçmiş rəsmisi Ovannisyana efirdə icazə verilir ki, ermənilərin Qələbə bayramını qeyd etməyə ehtiyac olmadığını və 9 Mayın onların bayramı olmadığını desin? Ermənistan televiziyasında ABŞ və onlarla birlikdə olanların müharibədə qalib gəldiyi Qərb ritorikası təkrarlanır.
Ovannisyankimilər saxtakarlardır, tarixin ictimai şəkildə yenidən yazılması ictimai və hüquqi cəhətdən pislənməlidir.
Biz Ermənistan hakimiyyət təmsilçilərinin, o cümlədən cənab Paşinyanın ritorikasının necə dəyişdiyini görürük. Və bu artıq narahatedicidir. Kim bilir, bəlkə Ovannisyan Ermənistan rəhbərliyinin hələ danışmadığını dilə gətirir?”
